Se te chamas Vidalina
e naciche vilarega,
che direi que eres a flor
máis linda da terra enteira.
En Ribón vive un rapaz
que rouboume o corazón
e anque me roubase a ialma,
non lle chamarei ladrón.
As rapazas vilaregas
son como as gaseosas,
algúas saien “casera”,
outras saien “revoltosa”.
O sacristán de Parada
tenche a chaquetiña rota,
que lla rompeu unha zarza
o correr tras dunha moza.
A carteira de Parada,
parécese a unha marea,
co vaivén de sube e baixa;
pero ela sempre tá chea
A parroquia de Pradela
dá mel, queixo e muto pan;
mais na que dicen de Cela,
non encenden unha vela.
No cielo de Campolauga,
as nubes van a correr;
será porque teñan fame
e queren cedo comer.
O Barreal é un xardín,
as viciñas unhas rosas,
e Tomás é o xardineiro
entre estas prendas fermosas.
¿Más? http://villardeacero-villardeacero.blogspot.com.es/2015/02/ancares.html
