sábado, 20 de diciembre de 2014
Feliz Navidad y Año Nuevo sin crisis
resaltar y abrir enlace con botón derecho
http://youtu.be/sIjRW60Fqyc
Felices Fiestas y Año Nuevo sin crisis
jueves, 18 de diciembre de 2014
Dialectos leoneses I - De Laciana a Galicia pasando por Villar de Acero
LA MACHA
Cuando muito semaban
Aiqui por estos pueblos
Chamábase-l.ly pan
Al granu de centenu
Ail.lí pol mes d’agostu
Si’l tempu yera buenu,
Chamábase-l.ly pan
Al granu de centenu.
Venían los peirones
Siempres yeran gal.legos,
Ya segábanlu tou
Por mui pouco dineiru.
Tamién había xente
Mui probitacos el.los
Que nun tenian cuartos
Pa pagar los gal.legos.
Tenían que segalu
Nun tenían rumediu
Tardaban algo más
Pero dábanlu feitu.
La víspora la macha
Mieus padres con buen xeitu
Faían los bilortos
P’atar pacha ya cuelmu.
Ya tamién ese día
Mataban los cordeiros
Ou la igüecha ou la iguada
Ou l’andosca lo mesmo.
Xuntaban muita xente
Pa faela en poucu tiempu
Polo menos doce homes
Pa tirar de los piértigos.
Mucheres ya rapaces
Faían falta tous el.los
Ya agora cuntaréivos
Còmo empezaba aquel.lo
Faían unas medas
Redondas ya con xeitu
Pa que nun se mocharan
Si venía mal tiempu
Ya’l día de la macha
Soltaban los manochos
Ya con muitos d’aquel.los
Preparaban l’eirau
Pa ser machau por el.los
Seis homes a cada l. Láu
l.levantaban los piértigos
ya diban dando golpes
seguidos ya con tientu.
diban d’arriba a baxu
tous al mesmo tiempu
primeiro los d’un l.láu
los outros al momentu.
daban unos xostrazos
que sutrumían el suelu
ya dexaban la pacha
sin un granu no mediu
Entoncias las mucheres
Con aire desenvueltu
Ataban las manizas
Pa l.levar al parreiru
Cochíamos las manizas
Las nenas ya los nenos
Ya tamién brazadinos
De la pacha de cuelmu
Yera pacha escochida
La de faere los cuelmos
Ya con el.la teiraban
Los que tenían teitu
Trabachábase muito
Mucheres homes nenos
You l.levaba manizas
Conos outros pequenos
l.levábamoslas al hombru
ya entoncias pol pescuezu
entrábannos arestas
por toul nueso cuerpu
ya sudámos muitu
pero tous contentos
a ver quien las l.levaba
más prontu pal parreiru
al acabar la macha
cudoxos ya baleos
barrían bien el granu
ya a los carros con el.lo
los sacos bien ataos
los fuel.les ya tou eso
las sabanas con puisa
pa las pitas escochelu
Tous xuntos ya con fame
Dábamos a comer ceu
Las frebas de xamón
l.linguaniza ya queisu
tamién buenas fritadas
d’andosca ou de cordeiro
el vinu pola bota
¡cuántu prestaba aquel.lo!
Güey vívese bien
La xente tien dineiru
Yá nun se sema pan
Tous trigu comemos
¡ai quién me diera a mí
Tornar a aquel.los tiempos!
¡tener unos diez anos
Ya revivire aquel.lo!
Volvere a aquel.la vida
Ochu días porlo menos
Ya correre polas eras
Ya oyer sonar los piértigos
Ya pola nuesa macha
You conos outros nenos
Al hombru las manizas
l.levalas al parreiru
ya con toda la xente
comer tous contentos
de manu la mia madre
fritada de cordeiru.
Suscribirse a:
Entradas (Atom)